قسەی نوێ ترەمپ لە بارەی ئێران

ترەمپ، نازانم بۆچی 47 ساڵه‌ روبه‌ڕوی ئێران نه‌بوینه‌ته‌وه‌.
دۆناڵد تره‌مپ له‌ وتارێكدا ڕایگه‌یاند: له‌گه‌ڵ ئێران گفتوگۆ ده‌كه‌ین و گفتوگۆكان زۆر به‌ باشی به‌ڕێوه‌ده‌چن، هه‌روه‌ها تا كۆتایی ئه‌مڕۆ هه‌ندێك زانیاریمان پێده‌گات سه‌باره‌ت به‌ گه‌روی هورمز و ئێران.
وتیشی، ئه‌وان ده‌یانویست جارێكی دیكه‌ گه‌روی هورمز دابخه‌ن، به‌ڵام ئێران ناتوانێت هه‌ڕه‌شه‌مان بكات".
سه‌رۆكی ئه‌مریكا ئه‌وه‌شیخسته‌ڕو، "نازانم بۆچی 47 ساڵ چاوه‌ڕوان بوین پێش ئه‌وه‌ی ڕێوشوێن له‌ دژی ئێران بگرینه‌به‌ر و له‌م 47 ساڵی ڕابردودا كه‌س وه‌ك من ڕوبه‌ڕوی ئێران نه‌بوه‌ته‌وه‌.
پێشتریش هه‌ر ئه‌مڕۆ تره‌مپ رایگه‌یاندبو، دانوستانه‌كان له‌گه‌ڵ ئێران به‌ره‌و پێشه‌وه‌ ده‌چن و "شته‌كان به‌ باشی به‌ڕێوه‌ده‌چن" و پێشبینیشیكرد، له‌ كۆتایی هه‌فته‌دا دانوستانه‌كان به‌رده‌وام بن.
دوێنێ هه‌ینی تره‌مپ باسی له‌وه‌كردبو، ئه‌و شه‌ڕه‌ی ئه‌مریكا دژی ئێران ده‌یكات نزیكه‌ له‌ كۆتایی و نوێ نابێته‌وه‌، ئه‌مه‌ش دوای جێبه‌جێكردنی ئاگربه‌ستێك بۆ خۆشكردنی ڕێگه‌ بۆ "ئاشتییه‌كی هه‌مه‌لایه‌نه‌" دوای ململانێیه‌كی سه‌ربازیی 40 ڕۆژه‌ له‌نێوان لوبنان و ئیسرائیل هات.