ترەمپ هاتە دەنگ

لە سەروبەندی هەڵبژاردنەكانی نیوەیی كۆنگرێس و ئەگەری دەست پێكردنەوەی دانوستانەكان لە نێوان ئێران و ئەمەریكا و هەوڵەكانی قەتەر لەو بارەوە، ئەمڕۆ دۆناڵد ترەمپ سەرۆكی ئەمەریكا رای گەیاند كە شەوی رابردوو گوزرێكی سنوورداری سەربازییان لە دامەزراوەكانی بەرگری ئاسمانی ئێران وەشاندووە.
ترەمپ روونی كردەوە، شەوی رابردوو هێزەكانی ئەمەریكا چەند دامەزەراوەیەكی بەرگری ئاسمانی ئێرانیان بە توندی بۆردمان كردووە، دوای دوو مانگ لە بنیاتنانی، ئەو هێرشەی دوێنێ دووشەم كردمان، شەڕ نەبوو، بەڵكو گورزێكی سنووردار بوو، هێزەكانی ئەمەریكا چاوەڕوانیان كرد دروستكردنی دامەزراوەكان تەواو بن ئینجا ئەوانی كردە ئامانج.
لێدوانەكانی ترەمپ لە دوای راگەیاندنی چەند بەرپرسێكی ئەمەریكا دێت بەوەی وڵاتەكەیان چەند گورزێكی سنوورداری ئاسمانی بۆ بەرگریكردن لە چەند پێگەیەكی سەربازی ئێران لە دوورگەی قوشم لە گەرووی هورمز وەشاندووە، لە وەڵامی تەقەكردنی هێزە چەكدارەكانی ئێران لە فڕۆكەیەكی ئەمەریكی، هێرشەكە چەند پێگەیەكی سیستمی بەرگری ئاسمانی مووشەكی گرتووەتەوە، بەڵام دەست پێكردنەوەی هەڵمەتە سەربازییەكانی دژ بە ئێران نییە.