بە بۆنەی "رۆژی سەركەوتن" كە بۆنەیەكی هاوبەشی وڵاتانی یەكێتیی سۆڤیەتی جارانە، رووسیا و ئۆكراینا بە جیا لە یەكتر، چەند رۆژێك ئاگربەستیان راگەیاند.
ئەمڕۆ سێشەم پێنجی ئایار، رووسیا بە بۆنەی رۆژی سەركەوتن، ئاگربەستی لە رۆژی هەشت و نۆی ئەم مانگە راگەیاند. رووسیا هەڕەشەی كردووە ئەگەر ئۆكراینا ئاگربەست بشكێنێ، ئەوا بە مووشەك هێرش دەكاتە سەر كیێڤ.
هاوكات ئۆكراینایش رای گەیاند، هەر ئەمشەو ئاگربەست رای دەگەیەنێ، واتە بە بڕیاری ئۆكراینا رۆژی پێنج و شەشی ئایار ئاگربەست دەبێت.
رۆژی هەشتی ئایاری ساڵی 1945 ئەڵمانیای نازی ملكەچی هاوپەیمانان بوو، جەنگی دووەمی جیهانی كۆتایی هات، بۆیە رووسیا "یەكێتیی سۆڤیەتی جاران" ئەو رۆژە بە رۆژی سەركەوتن دەناسێنێ و ساڵانە ئاهەنگ دەگێڕێت.
شەڕی ئۆكراینا و رووسیا لە مانگی شوباتی 2022 هەڵگیرساوە و تا ئێستەیش بەردەوامە.
وەڵام بدەوه