فەرەنسا بە توندی دژی ئیسرائیل هاتە دەنگ

وەزیری دەرەوەی فڕەنسا: هیچ شتێک پاساو بۆ بەردەوامیی ئۆپەراسیۆنەکانی ئیسرائیل لە لوبنان ناهێنێتەوە
​کوردستان پرێس
​ژان نویل بارۆت، وەزیری دەرەوەی فڕەنسا ڕایگەیاند، هیچ شتێک ناتوانێت پاساو بۆ بەردەوامیی ئۆپەراسیۆنە سەربازییەکان و داگیرکاریی درێژخایەنی ئیسرائیل لە لوبنان بهێنێتەوە، بەتایبەت لە کاتێکدا کە واشنتن ئاگربەستی ڕاگەیاندووە و شەڕی نێوان ئیسرائیل و حزبوڵاش هێشتا بەردەوامە.
​بارۆت ئاشکرای کرد کە لە گفتوگۆیەکدا لەگەڵ مارکۆ ڕۆبیۆ، هاوتا ئەمریکییەکەی، جەختی لەوە کردووەتەوە کە پاو نییە لوبنان وەک بارمتە یان گەرەنتییەک بۆ نەگەیشتن بە ڕێککەوتنی نێوان ئێران و ئەمریکا بەکاربهێنرێت. وەزیری دەرەوەی فڕەنسا هیوای خواست ئەو دانوستانانەی بڕیارە ئەم هەفتەیە لە نێوان حکومەتی ئیسرائیل و لوبناندا ئەنجام بدرێن، لە باشترین بارودۆخی گونجاودا بەڕێوەبچن.
‏​#Kurdistanpress