ئێران مەترسیدارترین چەکی هەیە

مێدڤێدێڤ: تاران دوو گەرووی دەریایی ستراتیژی وەک چەکی ئەتۆمی بەکاردەهێنێت
جێگری سەرۆکی ئەنجومەنی ئاسایشی ڕووسیا، دەمیتری مێدڤێدێڤ ئاماژەی بەوە کرد کە "گەرووی هورمز" بۆ ئێران هێندەی چەکێکی ئەتۆمی بەهێزە، هۆشداریشی دا کە "باب ئەلمەندەب"یش وەک چەکێکی گەرمەئەتۆمیی مەترسیدار لەژێر کۆنترۆڵی تاراندا وێنا دەکرێت.
ئەم بەرپرسە باڵایەی ڕووسیا لە کاتی سەردانەکەیدا بۆ تاران، لە لێدوانێکدا بۆ دەزگاکانی ڕاگەیاندن ڕوونیکردەوە کە تواناکانی ئێران گەیشتوونەتە ئاستێک کە دەتوانێت گەرووی هورمز دابخات، و ئەو هەنگاوانەش کە لەم دواییانەدا نراون شاهیدی ئەو هێزەی تارانن.
مێدڤێدێڤ جەختی لەوەش کردەوە کە گەرووی هورمز کارتێکی فشاری ئێجگار بەهێزە لە دەستی ئێراندا، هاوکات کۆنترۆڵکردنی گەرووی باب ئەلمەندەبیشی چواند بە خاوەندارێتی چەکێکی گەرمەئەتۆمیی (Thermonuclear) وێرانکەر کە لە ئێستادا تاران وەک چەکێکی ستراتیژی پشتی پێ دەبەستێت.