پوتین بڕیاری دا

ڤلادیمێر پوتین سەرۆكی رووسیا رای گەیاند، هاوپەیمانی ناتۆ لە زەریای هێمن و ئاسیا دەسەڵاتی خۆی فراوان دەكات و ئەگەری هەیە وەك وەڵامی تۆڵەكردنەوە، رووسیا دەست بەسەر كەشتییەكانی وڵاتانی رۆژئاوا بگرێت.
ئەمڕۆ چوارشەم 12ی ئاب، میدیای رووسی بڵاوی كردووەتەوە، لە كاتی بەڕێوەچوونی مانۆرێكی سەربازی لە دوورگەی سخالین لەوپەڕی رۆژهەڵاتی رووسیا، سەرۆكی رووسیا لێدوانی داوە و هەڕەشەی دەستبەسەرداگرتنی كەشتییەكانی رۆژئاوای كردووە.
پوتین گوتوویەتی، "ناتۆ لە زەریای هێمن و ناوچەكانی ئاسیا دەسەڵاتی فراوان دەبێت ئەگەر لەو ناوچانە دەست بۆ كەشتییەكانی رووسیا ببەن، ئەوا رووسیایش دەست بەسەر كەشتییەكانی ئەواندا دەگرێت".
 چەند رۆژێك لەمەوبەر میدیای ئەمەریكی ناوەڕۆكی هەڵسەنگاندنێكی هەواڵگرییان بڵاو كردەوە كە پێشبینی دەكات لە قۆناغی داهاتوودا، پوتین بڕیار بدات هێرشێك بۆ سەر ئەندامێكی ناتۆ ئەنجام بدات بۆ ئەوەی تواناكانی هاوپەیمانی باكوری ئەتڵەسی "ناتۆ" تاقی بكاتەوە.