ئەمریکاش زەنگی لێیدا

کریس رایت،وەزیری وزەی ئەمریکا:ئامادەیین بنکە ئەتۆمییەکانی ئێران تێکبشکێنین
کریس رایت،وەزیری وزەی ئەمریکا ڕایگەیاند کە وڵاتەکەی خواستی بەهێزی هەیە بۆ کۆتاییهێنان بە بەرنامە ئەتۆمییەکەی ئێران لە ڕێگەی دانوستان و دیپلۆماسییەوە، بەڵام جەختیشی کردەوە کە ئەگەر پێویست بکات، دامەزراوە ئەتۆمییەکانی ئەو وڵاتە وێران دەکەن.
وەزیری وزەی ئەمریکا ئاماژەی بەوەش کرد، ئێران بەرنامەیەکی هەیە بۆ دەستڕاگەیشتن بە چەکی ئەتۆمی و ئامانجی سەرەکی ئەمریکاش ڕێگریکردنە لەو هەوڵە. ناوبراو ڕوونیشی کردەوە کە دەبێت بگەڕێنەوە بۆ ڕێککەوتنێک کە بەپێی ئەوە ئێران بەتەواوی دەستبەرداری بەرنامەی پڕچەککردنی ئەتۆمی ببێت.
لە کۆتاییدا وەزیری وزەی ئەمریکا ئێرانی تاوانبار کرد بەوەی لەبارەی بەرنامە ئەتۆمییەکەیەوە پەنای بۆ درۆ و هەڵخەڵەتاندن بردووە.