ئێران وەڵامی نامەکەی ئەمریکا نادات

 تەسنیم: ئێران وەڵامی نامەکەی جەی دی ڤانسی بۆ دەستپێکردنەوەی دانوستان نەداوەتەوە
ئاژانسی تەسنیم بڵاوی کردەوە، تاران نامەیەکی فەرمیی لە جەی دی ڤانس، جێگری سەرۆکی ئەمریکاوە پێگەیشتووە کە بە فەرمانی دۆناڵد ترەمپ بۆ دەستپێکردنەوەی دانوستان نێردراوە؛ بەڵام سەرەڕای هەوڵە دیپلۆماسییەکان، دەسەڵاتدارانی ئێران تا ئێستا هیچ وەڵامێکی فەرمییان بۆ نامەکە نەبووە.
ڕۆژنامەی وۆڵ ستریت جۆرناڵ ئاماژەی بەوە کرد نامەکە ئاراستەی موحسین ڕەزایی کراوە، بە ئامانجی پێشگرتن لە هێرشی سەربازیی نوێی واشنتن؛ هاوکات پەیامەکە زیاتر تیشکی خستووەتە سەر داڕشتنی چوارچێوەیەکی گشتی بۆ دانوستان، لەبری باسکردنی بڕگە و وردەکارییە دیاریکراوەکانی ڕێککەوتنەکە
هاوکات تاران پێداگری دەکات دەبێت واشنتن پێشوەختە وەڵامی 7 مەرجی سەرەکی بۆ ڕاگرتنی جەنگ و کردنەوەی گەرووی هورمز بداتەوە، بەتایبەت هەڵگرتنی گەمارۆی دەریایی و سزاکانی سەر نەوت؛ بەپێچەوانەوە هەر دەستپێشخەرییەکی نوێی تر بەتەواوی لەلایەن ئێرانەوە ڕەتکراوە و قبووڵنەکراو دەبێت.