نڕخی زێر بەشێوەیەکی بەرچاو بەرزبووەوە

یەك مسقاڵ زێڕی عەیار 21 بە 470 هەزار دینارە، زێڕ لە بازاڕەكانی كوردستان بەراورد بە دوێنێ پێنج هەزار دینار به‌رز بووه‌ته‌وه‌.

ئەمڕۆ دووشەممە 1/4/2024، نرخی یەك مسقاڵ زێڕی عەیار 21 بە 470 هەزار دینارە، ئەوەش دوای ئەوەی نرخی زێڕ لە بۆرسەكانی جیهان بەرزبوونەوەی مێژووی تۆمار كرد، لە بازاڕەكانی هەرێمی كوردستان زیاتر به‌رز بووه‌ته‌وه‌.

بەمشێوەیە:

یەك مسقاڵ زێڕی عەیار 24 بە 535 هەزارە.

یەك مسقاڵ زێڕی عەیار 22 بە 490 هەزارە.

یەك مسقاڵ زێڕی عەیار 18 بە 405 هەزارە.

بەراورد بە دوێنێ بۆ هەر مسقاڵێك پێنج هەزار دینار بەرز بووەتەوە.

ئەمڕۆ، نرخی زێڕ لە بۆرسەكانی جیهان، گەیشتە بەرزترین ئاست لە مێژووی خۆی، یەك ئۆنسە بە دوو هەزار و 265 دۆلار مامەڵەی پێوە دەكرێت.

بەگوێرەی هەواڵەكان، ئەنجوومەنی بانكی ناوەندی ئەمریكی نرخی سوودی بانكی لە مانگی حوەزیران دادەبەزێنێت.

هاوكات چاوەڕوان دەكرێت لەگەڵ بڵاو بوونەوەی ئاماری چارەكی یەكەمی ئابووریی ئەمریكا، نرخی زێڕ لە بەرزبوونەوە بەردەوام بێت.

هۆكارێكی دیكە بەرزبوونەوەی زێڕ لە بۆرسەكانی جیهان، لەبەر ئەوەیە لە 15ی 3ی 2024، پێشبینی نوێ لەبارەی نرخی زێڕ، لەلایەن بانكی جەی پی مۆرگان كرا و ئاماژە بەوە درا، چاوەڕوان دەكەن نرخی ئۆنسەیەك زێڕ بگاتە دوو هەزار و 500 دۆلار.