بەڕێوەبەری گشتی ژمێركاری لە وەزارەتی دارایی و ئابووری حكوومەتی هەرێمی كوردستان رای گەیاند، چاوەڕێین پارەی مووچەی مانگی ئادارمان بە دەست بگات و لەگەڵ گەیشتنی پێش جەژن دەست بەدابەشكردنی دەكەین و رۆژانی جەژنیش لە دابەشكردنی بەردەوام دەبین.
محەمەد عەبدولقادر بەڕێوەبەرایەتی گشتی ژمێركاری ئەوەیشی گوت، مووچەی مانگی سێ هاوشێوەی مووچەی مانگی شوبات بێ پلە بەرزكردنەوە دەبێت، بەهۆی ئەوەی پلەبەرزكردنەوە كاری زۆری دەوێت.
ئەمڕۆ چوارشەم ئەم بەرپرسەی وەزارەتی دارایی ئەوەیشی، راگەیاند هەر لەگەڵ ئەوەی مووچەی مانگی ئادار لە بانكی ناوەندی عێراقییەوە خرایە سەر ئەژماری وەزارەتی دارایی هەرێمی كوردستان، یەكسەر دەست بەدابەشكردنی مووچەی مانگی سێ دەكەین.
ئەمڕۆ مەسروور بارزانی سەرۆكی حكوومەتی هەرێمی كوردستان رای گەیاند، دوای هەوڵ و كۆششێكی زۆر بەهاوكاری هەردوو تیمی سەرۆكوەزیرانی حكوومەتی فیدراڵ و تیمی حكوومەتی هەرێم توانرا چارەیەكی گونجاو بۆ كێشەی خەرجكردنی مووچەی فەرمانبەران و مووچەخۆرانی هەرێم دابنرێت.
لەبەشێكی تری راگەیەنراوەكەی مەسروور بارزانی هاتبوو، لە ماوەی رابردوودا هەوڵی زۆر درا كە هاووڵاتییانی هەرێم نائومێد بكرێن، جارێكی تر سوپاسی خۆڕاگریی فەرمانبەران و مووچەخۆرانی هەرێم دەكەم.
سەرۆكی حكوومەت ئەوەیشی راگەیاندبوو، هەوڵ دەدەین بەر لە جەژن دەست بە دابەشكردنی مووچەی مانگی ئادار بكرێت.
وەڵام بدەوه