بانکێکی نێودەوڵەتی بەشداری ھەژماری من دەکات

پرۆژەی "هەژماری من" وەکو سەردەمیترین پرۆژەی بەدیجیتاڵکردنی سیستەمی بانکیی هەرێمی کوردستان و مووچەی مووچەخۆران، لە فراوانبووندایە و لەو چوارچێوەیەشدا هەشتەمین بانک چووە ناو پرۆژەکەوە.

 حکومەتی هەرێمی کوردستان ڕایگەیاند: ئێستا پرۆژەی "هەژماری من" بە بەشداریی بانکی گەشەپێدانی نێودەوڵەتی IDB، ژمارەی بانکە بەشداربووەکانی بووەتە 8 بانک و لە ماوەیەکی نزیکدا بانکی دیکەش دێنە ناو بازنەی پرۆژەکەوە. بانکەکانی بەشدار لە پرۆژەی "هەژماری من" تاکوو ئێستا بریتین لە: بانکی جیهان، بانکی ئاڕتی، بانکی بەغداد، بانکی عێراقیی ئیسلامی، بانکی ئەهلیی عێراقی، بانکی عێراقی بۆ بازرگانی TBI، بانکی BBAC، بانکی گەشەپێدانی نێودەوڵەتی IDB). بانکی گەشەپێدانی نێودەوڵەتی بەپێی مەرجەکانی بانکی ناوەندی عێراق لە ساڵی (2011) بە سەرمایەی 100 ملیار دیناری عێراقی دامەزراوە، بانکەکە قۆناغ بە قۆناغ سەرمایەی زیادکردووە و بووە بە یەکێک لە بانکە پێشەنگەکان لەسەر ئاستی ناوخۆیی و هەرێمی.