بڕیارە ئەمڕۆ بەغدا بەشێكی تر لە مووچەی فەرمانبەرانی هەرێمی كوردستان بنێرێ، وەزارەتی دارایش ئامادەكاری كردووە دوای گەیشتنی ئەو پارەیە، راستەوخۆ دەست بكرێت بە دابەشكردنی مووچە.
ئەمڕۆ یەكشەممە بەغدا بەشێكی تر لە مووچەی فەرمانبەران بۆ هەرێمی كوردستان دەنێرێت، وەزارەتی دارایی و ئابووری ئامادەكاری كردووە، دوای گەیشتنی ئەو پارەیە راستەوخۆ لیستێكی تری مووچەی فەرمانبەران بڵاو دەكرێـتەوە و دەست دەكرێت بە دابەشكردنی مووچە.
دوێنێ وەزارەتی دارایی و ئابووریی حكوومەتی هەرێمی كوردستان بڵاوی كردەوە، دابەشكردنی مووچەی مانگی ئایار دەست پێ دەكات، بڕی 107 ملیار دینار لەلایەن وەزارەتی دارایی عێراقی فیدراڵەوە بۆ سەر هەژماری بانكی وەزارەتی دارایی و ئابووریی هەرێمی كوردستان لە ڕۆژی پێنجشەم شەشی حوزەیران وەك شایستەی مووچەی مانگی ئایاری خانەنشینانی مەدەنی، كەسوكاری شەهیدان و ئەنفالكراوان و خاوەن پێداویستییە تایبەتەكان.
ئاماژە بۆ ئەوە كراوە، ئەمڕۆ یەكشەممە مووچەی مانگی پێنجی خانەنشینانی مەدەنی، كەسوكاری شەهیدان و ئەنفالكراوان و خاوەن پێداویستییە تایبەتەكان دابەش دەكرێت.
وەزارەتەكە دووپاتی لەوەیش كردووەتەوە، دوای گەیشتنی تەمویلی وەزارەت و داودەزگاكانی تر لەلایەن وەزارەتی دارایی حكوومەتی فیدراڵەوە، ڕاستەوخۆ خشتەی مووچەی ئەو داودەزگایانەش ڕادەگەیەنرێت.
وەڵام بدەوه