بەپێی ئاژانسی (شەفەقنیوز)، بەرپرسێكی باڵای ئەمریكا، ئەمڕۆ شەممە، 7ی 12ی 2024 ڕایگەیاندووە، واشنتن لە نزیكەوە چاودێریی هەڵسووكەوتی عێراق دەكات و داوای لێ كردووە هیچ دەستتێوەردانێك بە هەر هێز و گرووپێكی چەكداری، لە سووریادا نەكات.
ئەوەشی گوتووە: ئەگەر زۆرە بەشار ئەسەد، سەرۆكی سوریا، بە چارەسەری سیاسی ڕازی بێت و مل بۆ جێبەجێكردنی بڕیاری 2254 ی ئەنجوومەنی ئاسایشی نێودەوڵەتی كەچ بكات.
ئەمە لە كاتێكدایە كە فوئاد حوسێن، وەزیری دەرەوەی عێراق ڕاگەیاندووە: عێراق هیچ دەستتێوەردانێكی سەربازی لە دۆخی سووریادا ناكات.
وەزیری دەرەوەی عێراق بۆ كەناڵی (ئەلجەزیرە) گوتویەتی: عێراق بە پاراستنی سنوورەكانی و سەلامەتیی خاكەكەیەوە پابەند دەبێت، بە هیچ شێوەیەكیش نابێتە بەشێكە لە ململانێی سوریا.
گوتووشیەتی: هەر هێرشێك بكرێت بە توندی ڕووبەڕووی دەبینەوە، هاوكات هەموو هاوكارییەك پێشكەش بە ئاوارەكانی سوریا دەكات.
وەڵام بدەوه