میدیایەکی عێراقی بڵاویکردوەتەوە، وەزارەتی دارایی عێراق، پێداچونەوەی بۆ لیستی موچەی مانگی ئایاری موچەخۆرانی هەرێمی کوردستان تەواو کردوە و بڕیارە هەفتەی داهاتو پارە بنێرێت، ئەندامێکی پەرلەمانی عێراقیش دەڵێت؛ تەیف سامی هیچ بیانویەکی نییە بۆ راگرتنی موچەی موچەخۆرانی هەرێم .
پێگەی هەواڵی عەرەبی جەدید، لە زاری سەرچاوەیەکی ئاگادارەوە بڵاوی کردەوە، وەزارەتی دارایی عێراق، موچەی مانگی ئایاری موچەخۆرانی هەرێمی کوردستانی پەسەند کردوە، بڕیارە هەفتەی داهاتو بەغداد پارە بنێرێت و پێش جەژنی قوربان موچە دابەش بکرێت.
ئاماژەی بەوەش کردوە، شاندێکی هونەری هەرێمی کوردستان لە بە‌غدادە بۆ وەڵامدانەوەی تێبینییەکانی وەزارەتی دارایی عێراق، بەڵام وردبینییەکە تەواو بوە و هیچ تێبینییەکیان نەبوە.
لای خۆشیەوە سیپان شێروانی، ئەندامی پەرلەمانی عێراق رایگەیاند، تەیف سامی هیچ بیانویەکی نییە بۆ راگرتنی موەچەی موچەخۆرانی هەرێم و پێش جەژن موچەی مانگی پێنجی موچەخۆرانی هەرێم دابەش دەكرێت.
پێشتر و لە 25ی ئەم مانگەدا وەزارەتی دارایی هەرێم لیستی موچەی مانگی ئایاری بۆ بەغداد ناردوە و ماوەی دوو ڕۆژە وردبینی بۆ لیستەکە دەکرێت.
وەڵام بدەوه