وەزارەتی کار و کاروباری کۆمەڵایەتیی حکومەتی هەرێمی کوردستان، بە مەبەستی ئاسانکاریکردن بۆ کەرتی تایبەت و هاندانی خاوەنکاران بۆ ڕێکخستنەوەی دۆسیە داراییەکانیان، بڕیاری لێخۆشبوونی تەواوەتیی بە ڕێژەی ١٠٠٪ لە سەرجەم سزاکانی دواکەوتنی بەشداریی دەستەبەری کۆمەڵایەتی دەرکرد.
بەپێی ڕاگەیەندراوێکی فەرمیی وەزارەتەکە، ئەمڕۆ پێنجشەممە، 5ی تشرینی دووەمی 2026، پاڵپشت بە بڕیاری ژمارە (307)ـی ئەنجوومەنی وەزیران، «ڕێنمایی ژمارە (5)ی ساڵی 2026» تایبەت بە لێخۆشبوون لە سزاکانی دواکەوتنی بەشداریی دەستەبەری کۆمەڵایەتی کەوتە بواری جێبەجێکردنەوە.
بەگوێرەی ڕێنماییەکە، سەرجەم ئەو خاوەنکار و خاوەن پڕۆژانەی بەهۆی دواکەوتن لە پێدانی دەستەبەری کۆمەڵایەتیی کرێکارەکانیان سزای داراییان کەوتووەتە سەر، بە تەواوی لەو سزایانە دەبەخشرێن. هاوکات مەرجی سەرەکی بۆ سوودمەندبوون لە بڕیارەکە ئەوەیە کە خاوەنکاران دەبێت لە ماوەی (90) ڕۆژدا لە ڕێکەوتی دەرچوونی ئەم ڕێنماییەوە، تەواوی قەرزی بنەڕەتیی بەشدارییەکانی دەستەبەری کۆمەڵایەتیی کرێکارەکانیان بۆ حکومەت بگەڕێننەوە.
وەزارەتی کار و کاروباری کۆمەڵایەتی ڕوونیشیکردووەتەوە، ئەو پڕۆژانەی کە پێشتر قەرزەکانیان بۆ کراوەتە قیست، بڕیارەکە ئەوانیش دەگرێتەوە و دەتوانن بە هەمان شێوە لە لێخۆشبوونی تەواوەتیی سزاکانی دواکەوتن سوودمەند بن.
Hogir Nerwayi
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
NEW APP AVAILABLE
ئاگادارکردنەوەکان
هەرگیز نوێکارییە گرنگەکان لەدەست مەدە
دۆخی تاریک
ئاسانە بۆ چاو، بە شەو یان ڕۆژ
هەواڵى بەپەلە
KurdistanPress
هاوبەشی خێرا
وەڵام بدەوه