ئەمڕۆ دووشەممە وەزارەتی كشتوكاڵ و سەرچاوەكانی ئاو لە حكوومەتی فیدراڵیی عێراق پێشبینی دەكات وڵاتەكە هاوینێكی سەختی لەبەردەمدا بێت و بەشێكی هۆكارەكەش بۆ ئەوە دەگەڕێنێتەوە كە حكوومەتی توركیا سەرچاوەكانی ئاوی لەسەر عێراق گرتووەتەوە.
خالید شمال گوتەبێژ بە ناوی وەزارەتی كشتوكاڵ و سەرچاوەكانی ئاوی عێراق لە لێدوانێكدا رای گەیاند بەهۆی ئەوەی لە توركیاوە ئاو لەسەر عێراق گیراوەتەوە، چاوەڕێی هاتنی هاوینێكی سەخت دەكەن.
گوتیشی پلانیان داناوە بە شێوەیەكی سنووردار لە ماوەی هاوینی ئەمساڵدا كشتوكاڵ بكرێت.
گوتەبێژەكەی وەزارەتە عێراقییەكە ئەوەشی نەشاردووەتەوە كە هەوڵی سەرەكییان دابینكردنی ئاوی خواردنەوە دەبێت، ئینجا ئاوی كارگە پیشەسازییەكان و فەرمانگە تەندروستییەكان.
ئەوەشی گوتووە كە لە ماوەی سێ ساڵی رابردوودا بەهۆی وشكەساڵییەوە، عێراق ڕووبەڕووی كەمبوونەوەیەكی گەورەی ڕێژەی ئاوی ژێرزەوی بووە.
وەڵام بدەوه