وەزارەتی دارایی و ئابووری ئاگەداری كەسوكاری شەهیدان و ئەنفالكراوان دەكاتەوە، ئەگەر رۆژی یەكشەم بەهۆی بەشدارییان لە یادی كیمیابارانكردنی هەڵەبجەدا نەیانتوانی مووچە وەربگرن، ئەوا رۆژانی دواتر دەتوانن سەردانی بانكەكان بكەن بۆ وەرگرتنی مووچەكان.
ئێوارەی ئەمڕۆ پێنجشەم 13ی ئاداری 2025، لە راگەیەنراوێكی وەزارەتی دارایی و ئابووریی حكوومەتی هەرێمی كوردستاندا هاتووە، بەپێی خشتەی ڕاگەیەنراومان ڕۆژی یەكشەم 16ی ئادار، مووچەی مانگی شوباتی کەسوکاری شەهیدان و ئەنفالکراوان دابەش دەکرێت.
وەزارەت روونی كردووەتەوە، بۆ ئەو بەڕێزانەی لەو ڕۆژەدا بەهۆی بەشدارییان لە یادی کیمیابارانی هەڵەبجەدا ناتوانن مووچەکانیان وەربگرن، ڕۆژانی دواتر دەتوانن سەردانی بانکەکان بکەن و مووچەکانیان وەربگرن، سەرجەم بانکەکانی سەر بە وەزارەتمان لە خزمەت کەس و کاری شەهیدان و ئەنفالکراوان دەبن.
وەڵام بدەوه