بڕیارە سەرەتای هەفتەی داهاتوو، پارتی دیموكراتی كوردستان و یەكێتیی نیشتمانیی كوردستان كۆببنەوە، لە كۆبوونەوەكەدا باس لە دابەشكردنی پۆستەكان دەكرێت.
ئەمڕۆ چوارشەم نۆی نیسان، سەمیر هەورامی گوتەبێژی قوباد تاڵەبانی جێگری سەرۆكی حكوومەت رای گەیاند، رۆژی شەممە پارتی دیموكراتی كوردستان و یەكێتیی نیشتمانیی كوردستان كۆ دەبنەوە.
زیاتر گوتی، لە كۆبوونەوەی داهاتوودا یەكێتی و پارتی لەبارەی پۆستەكانی كابینەی دەیەمی حكوومەتی هەرێمی كوردستان كۆ دەبنەوە.
رۆژی دووشەم سەعدی ئەحمەد پیرە گوتەبێژی یەكێتی بڵاوی كردەوە، كۆبوونەوەكانیان لەگەڵ پارتی دیموكراتی كوردستان لە داهاتوویەكی نزیكدا دەست پێ دەكەنەوە، ئەویش تایبەت دەبێ بە گفتوگۆ لەبارەی رەشنووسەكە و بابەتەكانی دابەشكردنی پۆستەكان و دەستنیشانكردنی ئەو كەسانەی كە پۆستەكان وەردەگرن.
لەبارەی دابەشكردنی پۆستەكانیشەوە گوتوویەتی، بەشێوەیەكی گشتیی پۆستەكان دابەش دەبن بۆ ئاستی سەرۆكایەتییەكان، دامەزراوە سیاسییەكان و خزمەتگوزارییەكان.
لە ماوەی رابردوودا پارتی و یەكێتی لە ڕێگەی لیژنەكانیانەوە بۆ پێكهێنانی كابینەی داهاتووی حكوومەت، رەشنووسێكیان ئامادە كردووە و بڕیارە لە داهاتوودا بڕیاری كۆتایی لەبارەی پێكهێنانی حكوومەت بدرێت.
وەڵام بدەوه