لە نەتەنیاهۆ قەوما

میدیاكانی ئیسرائیل: ئایزنكۆت پشتیگری 67 پەرلەمانتاری بەدەستهێناوە بۆ پێكهێنانی حكومەت؛ بلۆكەكەی ناتانیاهۆ 46 كورسی ماوەتەوە. لیستی هاوبەشی عەرەبی بە 19 كورسییەوە پشیتوانی بۆ ئایزنكۆت راگەیاند دژی ناتانیاهۆ"
رۆژنامەی "یەدیعۆت ئەحرانۆت"ی ئیسرائیلی دەڵێت، پێشبینی دەکرێت گادی ئایزنکۆت پشیتوانی 67 كورسی بۆ پۆستی سەرۆک وەزیران دەستەبەر بکات، لە کاتێکدا 46 پەرلەمانتار پشتگیری لە بنیامین ناتانیاهۆ دەكەن، ئەوەش دوای بڕیارەکەی لیستی هاوبەش عەرەبی بۆ پشتگیریکردنی ئایزنكۆت كە خاوەنی 19 كورسین لە كنێستنی ئیسرائیل، هاوشانى رەتكردنەوەی پارتی یەهودی یەکگرتووی تەوراتی توندڕەوە، لە پشتگیریكردنی هیچ کام لە کاندیدەکان، كە پێشتر لەسەر بلۆكەكەی ناتانیاهۆ حساب دەكرا.
لیستی هاوبەشی عەرەبی لە بەیاننامەكدا رایگەیاندووە، پێشنیازی ئەوە بۆ ئیسحاق هێرتسۆگ، سەرۆکی ئیسرائیل كردووە، گادی ئایزنکۆت- سەرۆکی پارتی "یاشار" بۆ ئەرکی پێکهێنانی حکومەتی داهاتوو رابسپێردرێت، بە ئامانجی رێگریکردن لە مانەوەی بنیامین ناتانیاهۆ، لە پۆستی سەرۆک وەزیرانی ئیسرائیل.