هەواڵی خۆش لە بارەی کارەبای 24 کاتژمێری

تا كۆتایی ساڵی 2026 تەواوی هەرێمی كوردستان دەبێتە خاوەنی كارەبای 24 سەعاتی، ئەوەش بەپێی پلانی پڕۆژەی رووناكی.

پڕۆژەی رووناكی بڵاوی كردووەتەوە، لەگەڵ پڕۆژەی ڕووناكیدا ئەزموونێكی تەواو جیاوازت دەبێت، ئەو كێشانەی زۆر كات لەگەڵیدا ژیاویت، دەبنە یادگاری

ئاماژە بەوەش كراوە، پڕۆژەی ڕووناكی تا كۆتایی 2026 كارەبای 24 سەعاتی دەگەیەنێتە سەرانسەری هەرێمی كوردستان.

كاركردن لە پڕۆژەی رووناكی لە هەرسێ پارێزگای هەولێر و سلێمانی و دهۆك بەردەوامە و تیمەكانی پڕۆژەكە لەپێناو گەیاندنی كارەبای 24 سەعاتی بۆ سەرجەم كوردستان، ماندوونەناسانە كار دەكەن، بۆ ئەوەی تا كۆتایی 2026 سەنتەری سەرجەم شارەكان پڕۆژەكەیان پێگەیشتبێت.

بەپێی داتاكانی هەن، ژمارەی ئەو هاووڵاتییانەی تا ئێستە پڕۆژەكەیان پێ گەیشتووە لە شارە جیاوازەكان، لە پارێزگای هەولێر نزیكەی 530 هەزار، پارێزگای سلێمانی 40 هەزار و پارێزگای دهۆكیش 30 هەزار، تا كۆتایی 2025 تەواوی سەنتەری شارەكان دەبنە خاوەنی كارەبای 24 سەعاتی.