وەزارەتی دارایی و ئابووری حكوومەتی هەرێمی كوردستان لەماوەی چەند سەعاتی داهاتوودا وەڵامی حكوومەتی بەغدا دەداتەوە لەبارەی چەند نووسراوێكی تەیف سامی وەزیری دارایی عێراق كە رای گەیاندووە، پشكی كوردستان لە بودجە كە 12.67% تەواو بووە بۆ ئەمساڵ.
كەمێك لەمەوبەر نووسراوێكی تەیف سامی بڵاو كراوەتەوە كە رای گەیاندووە، پشكی كوردستان لە بودجە تەواو بووە ئەوەیش هۆكارە كە مووچەی مانگی ئایار تا ئێستە رەوانە نەكراوە.
كەمێك لەمەوبەر سەرچاوەیەك لە وەزارەتی دارایی و ئابووری حكوومەتی هەرێمی كوردستان، بە "وشە"ی گوت، ئەو بابەتە ئاسان تێناپەڕێ، لە قۆناغی یەكەمدا وەزارەتی دارایی / كەمێكی تر/ بە بەڵگە و داتاوە وەڵامی حكوومەتی عێراق دەداتەوە.
ڕوونیشی كردەوە كە ئەوەی بەغدا دەیكات و كردوویەتی تا ئێستە سیاسییە، ئەگینا لیستی مووچە و هەموو تەواوكارەكانی تر لەسەر داوای بەغدا نێردراوە.
ئەو بیانووەی بەغدا لە مووچەی لەكاتێكدایە كە فەرمانبەرانی تەواوی عێراق مووچەی مانگی ئایاریان وەرگرتووە و هەفتەیەكیش بۆ جەژنی قوربان ماوە.
وەڵام بدەوه