کاتی ناردنی مووچەی مانگی شەش ئاشکرا کرا

دوو سەرچاوەی باڵا لە وەزارەتی نەوتی عێراق و کۆمپانیای سۆمۆ ڕایگەیاند: کێشەی هەناردەکردنەوەی نەوتی هەرێمی کوردستان چارەسەر کراوە و تەنیا چەند ڕێکارێکی کارگێڕی ماوە بۆ دەستپێکردنەوەی پرۆسەکە لە نزیکترین کاتدا.

حکومەتی هەرێمی کوردستان ڕەزامەندی نیشانداوە کە مانگانە ڕێژەی 50%ـی داهاتەکانی گومرگ و دەروازە سنوورییەکان و فڕۆکەخانەکان، ڕادەستی بەغدا بکات.

خاڵی سەرەکیی ناکۆکیی نێوان هەردوولا لە ئێستادا لەسەر داهاتی ناوخۆیی باج و ڕسوماتە. حکومەتی عێراق داوای 100% ئەو داهاتانە دەکات، بەڵام حکومەتی هەرێم ئەمە ڕەتدەکاتەوە و پێی وایە بەپێی یاسای بودجە، تەواوی ئەو داهاتانە مافی خۆیەتی بۆ بەڕێوەبردنی کاروباری وەزارەت و فەرمانگەکان و خەرجیی پڕۆژەکان.

 بەپێی ئامارەکان، حکومەتی هەرێمی کوردستان مانگانە پێویستی بە 230 ملیار دینار هەیە بۆ خەرجییەکانی بەکاربردن و پڕۆژەکان.

ڕێباز حەملان  یاریدەدەری سەرۆکوەزیرانی کوردستان، پشتڕاستی کردەوە کە پرسی نەوت و داهاتی گومرگی یەکلایی کراوەتەوە و گفتوگۆکان لەسەر پرسی باج و ڕسومات بەردەوامن. بڕیارە لەم هەفتەیەدا مووچەی مانگی شەش دابەش بکرێت.