وەزارەتی خوێندنی باڵا و توێژینەوەی زانستیی هەرێمی کوردستان، لە گشتاندنێکدا کە ئاراستەی سەرجەم زانکۆ و دامەزراوەکانی کردووە، داوای ئامادەکردنی لیستی ناوی ئەو دەرچووانە دەکات کە تاوەکو ئێستا دانەمەزراون.
بەگوێرەی گشتاندنەکە، پێویستە زانکۆکان لە ماوەی یەک مانگدا ئاماری گشتیی دەرچووانی ساڵانی خوێندنی (2017-2018) تاوەکو (2024-2025)ـی سێ یەکەمەکانی سەر ئاستی کۆلێژ و بەشەکان، دەرچووانی بەشە پزیشکییەکان و هەڵگرانی بڕوانامە باڵاکان (ماستەر و دکتۆرا) رەوانە بکەن.
وەزارەتی خوێندنی باڵا دەڵێت، ئەم هەنگاوە وەک ئامادەکارییەک دێت بۆ ئەوەی لە کاتی ئامادەکردنی رەشنووسی بودجەی خەمڵێندراوی ساڵی 2026ـدا، میلاکی پێویست بۆ دامەزراندنی ئەو توێژە شایستانە دابین بکرێت و مافەکانیان پارێزراو بێت.
وەڵام بدەوه