رۆژانی حەوت و هەشتی ئەم مانگە دیداری میری لە هەولێر بەڕێوە دەچێت، یەكێك لەو كەسانەی تێیدا قسە دەكات مەزڵووم عەبدییە، تەوەرەكانی دیدارەكەش باسكردنە لە ئایندەی سووریا.
بەگوێرەی ئەو پلانەی دیداری میری بڵاوی كردۆتەوە، مەزڵووم عەبدی فەرماندەی هێزەكانی سووریای دیموكرات (هەسەدە) بۆ گفتوگۆكردن لەگەڵ سەركردە سیاسییە كوردەكان، لەبارەی نوێترین پێشهاتە تەناهییەكانی سووریا و ناوچەكە، دێتە هەولێر و لەگەڵ بەرپرسانی باڵای هەرێمدا كۆ دەبێتەوە.
لە دیداری میریدا چەندان كەسایەتیی بەناوبانگ و سیاسی قسە دەكەن، بە ئەگەری زۆرەوە عەبدی ژمارەیەك چاوپێكەوتن و كۆبوونەوە ئەنجام دەدات
عەبدی پێشتر لە مانگی نیسانی ساڵی رابردوو سەردانی هەولێری كردبوو، لەوێ لەگەڵ سەرۆك بارزانی و سەرۆكی هەرێم و وەزیری دەرەوەی فڕەنسا كۆبووەوە، ئەمەش لە چوارچێوەی هەوڵەكان بۆ هاوئاهەنگی لەسەر ئایندەی كوردانی سووریا و پێوەندییەكانی لەگەڵ دیمەشق.
بەشداریكردنی عەبدی لە دیدارەكەدا، دەبێتە سێیەم سەردانی فەرماندەكەی رۆژئاوا بۆ هەرێمی كوردستان، دیداری مێری چالاكیی ساڵانەی سەرەكی پەیمانگەكەیە، كە داڕێژەرانی سیاسەتی ناوخۆیی، نیشتمانی و نێودەوڵەتی، ئەكادیمیستەكان، سەركردەكانی بۆچوون، چالاكانی كۆمەڵگەی مەدەنی، ڕۆژنامەنووسان و دیپلۆماتكاران كۆ دەكاتەوە.
وەڵام بدەوه