کۆمەڵەی کێڵگە پەلەوەریەکانی پارێزگای سلێمانی داوادەکەن بۆرسەیەکی تایبەت بە دیاریکردنی نرخ بۆ مریشک بکرێتەوە و دەڵێن”داوادەکەین میکانزمی دیاریکردنی نرخ بەپێی ڕۆژ دیاریبکرێت نەک لەناوو کێڵگەکان”.
نازم عەبدوڵا جاف، سەرۆکی کۆمەڵەی کێڵگە پەلەوەریەکانی پارێزگای سلێمانی، ڕایگەیاند، وەک کۆمەڵەی کێڵگە پەلەوەرییەکانی سلێمانی داوامان لە وەزارەتی کشتوکاڵ کردووە هەستن بە دانانی میکامزمێکی گونجاو بۆ دەستپێکردنی بۆرسەیەک تایبەت بە دیاریکردنی نرخ بۆ مریشک کە لە ڕێگەی کۆمەڵەکەمانەوە بێت
ئاماژەی بەوەشداوە، دروستکردنی ئەم بۆرسەیە بۆ ئەوەیە نرخی مریشک لە ڕۆژدا دیاریبکرێت، نەک کاتێک مریشک لە ناو کێڵگەکان باردەکرێت و دەفرۆشرێت پاشان نرخ دیاری دەکرێت، ئەمش زیانی زۆرە بۆ خاوەن کێڵگەکان”.
نازم جاف راشیگەیاند، زۆر دەمێکە داوامان لە حکومەت کردووە نرخ بۆ مریشک دابنێت، حکومەت دەتوانێت ئەم کارە ڕێکبخات و لەڕێگەی کۆمەڵەکەمانەوە دەتوانێت نرخ دیاری بکرێت و پاشان بخرێتە بازارەو بە ڵام تا ئێسات نەکراوە.
بەپێی وتەی نازم جاف هەرێمی کوردستان ساڵانە پێویستمان بە ١٤٧ هەزار تۆن مریشکە، لە ئێستاشدا بە نزیکەیی بەرهەمی مریشک دەگاتە ٤٠٠ هەزار تۆن.
سەرۆکی کۆمەڵەی کێڵگە پەلەوەریەکان داوا دەکات حکومەتی هەرێم وەک حکومەتی عێراق بڕیار دەربکات چیتر مریشکی بەستو نەیەتە ناو خاکی هەرێمی کورسستان، کەئەوەش پشتیوانیەکی گەورەیە بۆ خاوەن پرۆژەکانی بەرهەم هێنانی مریشک.
وەڵام بدەوه