وەك دیارییەك سەرۆك بارزانی لەسەر ئەركی خۆی، پاركێكی شایستە بۆ هاووڵاتییانی هەڵەبجەی شەهید دروست دەكات.
بەپێی نووسراوێكی سەرۆكایەتیی دیوانی ئەنجوومەنی وەزیران بۆ وەزارەتی شارەوانی و گەشتوگوزار كە لە ڕێكەوتی شەشـی تشرینی یەكەم دەرچووە و واژووی ئومێد سەباح سەرۆكی دیوانی ئەنجوومەنی وەزیرانی بەسەرەوەیە، لە پێناو بەرژەوەندیی گشتی و زیادكردنی ڕێژەی سەوزایی و پاراستنی ژینگەی پارێزگای هەڵەبجە، سەرۆك بارزانی وەك دیارییەك بۆ هاووڵاتییانی ئەم پارێزگایە، پاركێك دروست دەكرێت.
لە نووسراوەكەدا داوا لە وەزارەتی شارەوانی و گەشتوگوزار كراوە، بۆ دروستكردنی پاركێكی شایستە لەسەر ئەركی سەرۆك بارزانی لە سنووری هەڵەبجە، ڕێكاری پێویست بگیرێتەبەر و بۆ ئەم مەبەستە كاری پێویست ئەنجام بدرێت، بە دەستنیشانكردنی شوێنێكی گونجاو و ئامادەكردنی دیزاین و دەرخستەی پێویستی پڕۆژەكە.
سەرۆك بارزانی پێشتریش لە دیداری نوێنەرانی شارەكە بڕیاری دا، پڕۆژەی رووناكی وەك یەكەم پارێزگا لە هەڵەبجە جێبەجێ بكرێت، هاوكات دەوری گرنگیشی لە بەپارێزگابوونی شارەكە بینی، ئێستەش دوای ئەوەی بووەتە پارێزگا، بەردەوام لە خەمی ئەوەدایە ئەو شارە شەهیدە ئاوەدان بكرێتەوە.
وەڵام بدەوه