وەزارەتی خوێندنی باڵا و توێژینەوەی زانستی، خەرجکردنی نزیکەی نیو ملیۆن دۆلاری وەک شایستەی دارایی بۆ کۆمەڵێکی نوێی دەرچووانی بەرنامەی تواناسازی ڕاگەیاند. بەپێی ڕاگەیەنراوەکە، 42 دەرچوو لەم بڕیارە سوودمەند دەبن و دەتوانن لە ڕۆژی دووشەمی داهاتووەوە پارەکانیان وەربگرن.
لە ڕاگەیەنراوێکدا کە ئەمڕۆ شەموو 29ی تشرینی دووەم بڵاو کراوەتەوە، وەزارەتی خوێندنی باڵا ئاشکرای کردووە کە پاڵپشت بە نووسراوی سەرۆکایەتیی ئەنجوومەنی وەزیران، بڕیاری خەرجکردنی گوژمەی 442,514 (چوار سەد و چل و دوو هەزار و پێنج سەد و چواردە) دۆلاری ئەمەریکی بۆ 42 دەرچووی بەرنامەی تواناسازی داوە.
وەزارەتەکە داوای لەو دەرچووانە کردووە کە ناویان لە لیستە هاوپێچەکەدا هاتووە، لە ڕۆژی دووشەممە، ڕێکەوتی 1ی کانوونی یەکەمی 2025 بەدواوە، سەردانی دیوانی وەزارەت/ بەڕێوەبەرایەتیی تواناسازی بکەن، بە مەبەستی وەرگرتنی چەکی شایستە داراییەکانیان.
هەروەها ئاماژەی بەوەش کردووە کە پێویستە دەرچووان پاسپۆرتی ئەسڵی و کۆپی لەگەڵ خۆیاندا بهێنن. ئەگەریش بریکار (وەکیل) سەردان دەکات، پێویستە پاسپۆرتی ئەسڵی و کۆپیی کاندید و بریکارەکە، لەگەڵ بریکارنامەی ئەسڵیدا پێ بێت.
وەڵام بدەوه