شارەزایەکی بواری کەشناسی زانیاریی نوێی لەبارەی شەپۆلە بەهێزەکەی بارانبارین لە رۆژانی داهاتوو راگەیاند.
ئەمشەو یەکشەممە 30/11/2025، هەڤاڵ سەدیق گەڵۆزی، شارەزای بواری کەشناسی بڵاوی کردەوە: "ئێستا هەوری بەرز و مامناوەندی باراناوی داخلی بەشێکی زۆری ناوچە جیاوازەکانی هەرێمی کوردستان و عێراق بووە و لە ئەنجامی هاتنی بڕێک شێ پێویست لە ناوچەکانی دەریای سوور و دەریای ناوەڕاستی لە چەند کاتژمێری داهاتوو چڕبووبوونەوەی هەورە کەڵەکەبووەکان زیاتر دەبێت و ئێستا لە هەندێ ناوچه بارانبارین دەستپێکردووە و لە درەنگانی ئەمشەو بۆ کاتی بەرەبەیان لەبەشێکی زۆری ناوچەکانی هەرێمی کوردستان هەولێر، دهۆک، زاخۆ، سۆران، موسڵ، کەرکووک، گەرمیان، هەڵەبجە، سلێمانی و ڕاپەڕین ئەگەری نمەباران بۆ بارانی مامناوەند لە هەندێ کاتدا هەیە."
ئاماژە بەوەش دراوە: "ئێوارەی ئەمڕۆ یەکشەممە 30/11/2025، گۆڕانکاری زۆر دڵخۆشکەر لە پێشبینییە سەرەتاییەکانی کەشوهەوا ڕوویداوە، شەپۆلە بەهێزەکە لە سەرجەم ناوچەکان جێگیربووە و پێشبینی دەکرێت لە سەرەتای هەفتەی داهاتوو شەپۆلێکی بارانبارینی دێمی سەرجەم ناوچە جیاوازەکانی عێراق و هەرێمی کوردستان بگرێتەوە."
وەڵام بدەوه