وەزیری پەروەردەی حكوومەتی هەرێمی كوردستان رای دەگەیەنێت، مەسروور بارزانی سەرۆكی حكوومەتی هەرێمی كوردستان، رەزامەندیی لەسەر زیادكردنی پارەی وانەبێژان دا.
ئەمڕۆ دووشەم یەكی كانوونی یەكەم، ئالان حەمەسەعید وەزیری پەروەردەی حكوومەتی هەرێمی كوردستان رای گەیاند، سوپاس بۆ جەنابی سەرۆك وەزیران كە بڕیاری زیادكردنی پارەی وانەبێژانی دا.
دەشڵێت، مەسروور بارزانی سەرۆكی حكوومەتی هەرێمی كوردستان، بۆ پاڵپشتیی مامۆستایان ڕەزامەندیی دا بە زیادكردنی كرێی وانەبێژیی لە دوو هەزار دینارەوە بۆ چوار هەزار دینار بۆ هەر وانەیەك.
باس لەوەش كراوە، بۆ ئەو مامۆستایانەی میلاك و گرێبەستن كە لە سەرووی وانەی یاسایی خۆیانەوە بەردەوامن لە وانەگوتنەوە، واتا لە سەرووی 24 بەشەوانەی قۆناغی بنەڕەتی و 22 بەشەوانەی قۆناغی ئامادەیی وانەیان هەیە.
روونی كردووەتەوە، لە سەرەتای ئەمساڵی خوێندنیشەوە بۆیان حیساب دەكرێت، ئەمڕۆ لە وەزارەتی دارایی رێنوێنیی بۆ دەردەچێندرێت.
وەڵام بدەوه