لەبارەی مووچە زانیاری گەیشت

بەهۆی دواكەوتنی تەمویل و درەنگ دابەشكردنی مووچەوە، وەزیری دارایی فیدراڵ بە نووسراوێك داوا لە بانكەكان دەكات هەینی و شەممە بۆ دابەشكردنی مووچە دەوام بكەن.

بەپێی نووسراوێكی وەزارەتی دارایی فیدراڵ، كە ئەمرۆ 29ی1ی2026، دەرچووە و بۆ گشت بانكە حكوومییەكان نێردراوە  داوای دابەشكردنی مووچە دەكات.

لە نووسراوەكەدا جەخت كراوەتەوە، كە تەییف سامی وەزیری دارایی داوا لە هەموو بانكە حكوومییەكان دەكات لە ئیدارەی گشتی بانك و لقی بانكەكان لە رۆژانی هەینی و شەممە (30 و 31ی1ی2026) دەوامی فەرمی بكەن بۆ تەواوكردنی دابەشكردنی مووچەی مانكی یەك.

ئەو نووسراوە لە كاتێكدایە كە بەهۆی كەمی نەختینە و بڕیارێكی پێشووی حكوومەتی عێراق بۆ راگرتنی خەرجكردنی دەرماڵەی خزمەتی زانكۆیی مووچەی مانگی یەكی فەرمانبەرانی عێراق دواكەوتووە. رۆژی 27ی1ی2026، وەزارەتی دارایی هەرێمی كوردستان، بڵاوی كردەوە لیستی مووچەی مانگی 1ی2026 رەوانەی بەغدا كراوە. لیستی مووچەی هەرێمی كوردستان دوێنێ 28ی1ی2029 رادەستی دارایی فیدراڵ كراوە، بۆ ئەوەی وردبینی تێدا بكرێت و پەسند بكرێت.