بڕیارێک لە بارەی خوێندنی ئەمساڵ دەدرێت

بڕیارێکی هاوبەش لەبارەی پرۆسەی خوێندن دەدرێ
لە کۆتایی ئەم مانگەدا بڕیارێکی هاوبەش لەبارەی پرۆسەی خوێندن لەلایەن هەردوو وەزارەتی خوێندنی باڵا و پەروەردەوە دەدرێت.
لە ڕاگەیاندراوێکدا وەزارەتی خوێندنی باڵا و توێژینەوەی زانستی حکوومەتی  هەرێمی کوردستان، بڵاوی کردەوە: "وەزیری خوێندنی باڵا و توێژینەوەی زانستی  ڕایگەیاندووە، لە کۆتایی ئەم مانگەدا لەگەڵ وەزارەتی پەروەردە کۆدەبینەوە بۆ ئەوەی بڕیارێکی هاوبەش لەبارەی پرۆسەی خوێندن بدەين."
ئاماژە بەوەش دراوە: " سەلامەتیی قوتابیان و خوێندکاران، مامۆستایان و فەرمانبەران لە هەموو شتێک گرنگترە."
لە سەرەتای جەنگی ئێران و ئەمریکا و ئیسڕائیلەوە هەردوو وەزارەتی خوێندنی باڵا و پەروەردە، بۆ سەلامەتی قوتابیان و مامۆستایان پشوویان لە ناوەندەکانی خوێندن ڕاگەیاندووە.