پارتی بە توندی هاتە دەنگ

​فراکسیۆنی پارتی دیموکراتی کوردستان لە ڕاگەیەندراوێکی تونددا سەرکۆنەی هێرشە مووشەکییەکەی سەر ماڵی نێچیرڤان بارزانی سەرۆکی هەرێمی کوردستان دەکات و بە هەوڵێکی نەزۆکی ناو دەبات.
​ئەمڕۆ شەممە 28ی ئاداری 2026 فراکسیۆنی پارتی دیموکراتی کوردستان لە ڕاگەیەندراوێکی تونددا سەرکۆنەی ئەو هێرشە مووشەکی و ناڕەوایانەی کرد کە کرانە سەر ماڵی نێچیرڤان بارزانی سەرۆکی هەرێمی کوردستان لە شاری دهۆک و باسی لەوە کرد کە پارتی ئەم پەلامارانە وەک بەشێک لە زنجیرە هێرشە دوژمنکارانەکانی ئەم دواییە دەبینێت کە مەبەستیان نانەوەی پشێوی و تێکدانی ئاسایش و سەقامگیریی هەرێمی کوردستانە لەم کاتە هەستیارەدا.
​فراکسیۆنی پارتی جەخت لەوە دەکاتەوە کە ئەم جۆرە هەوڵە نەزۆکانە ناتوانن ئیرادەی گەلی کوردستان بۆ پاراستنی قەوارە دەستوورییەکەی پاشەکشە پێ بکەن.
​هاوکات داوایەکی بەپەلەیان ئاراستەی لایەنە پەیوەندیدارەکان کردووە بۆ ئەوەی بە زووترین کات ئەنجامدەرانی ئەم تاوانە ئاشکرا بکەن و ڕووبەڕووی یاسایان بکەنەوە.
​ئەم هەڵوێستەی فراکسیۆنی پارتی دوای ئەوە دێت کە چەند ناوچەیەکی دیکەی پارێزگای دهۆکیش لە هەمان کاتدا ڕووبەڕووی بۆردومان و هێرشی گرووپە چەکدارەکان بوونەتەوە