پشوو راگەیاندرا

 پشووی سەرجەم ناوەندەکانی خوێندن بۆ هەفتەیەکی تر درێژ کرایەوە. بەپێی نوێترین بڕیاری وەزارەتی پەروەردە و وەزارەتی خوێندنی باڵا و توێژینەوەی زانستی، لەپێناو پاراستنی سەلامەتیی گیانی قوتابیان و خوێندکاران و بە لەبەرچاوگرتنی هەلومەرجی ئێستا، بڕیار درا بە درێژکردنەوەی پشووی فەرمیی سەرجەم ناوەندەکانی خوێندن بۆ ماوەی یەک هەفتەی دیکە.
ئەم بڕیارە سەرجەم باخچەکانی منداڵان، قوتابخانەکان، پەیمانگا و زانکۆکان (حکومی و ناحکومی) دەگرێتەوە. لایەنە پەیوەندیدارەکان جەختیان لەوە کردووەتەوە کە لە نزیکەوە چاودێریی ڕەوشەکە دەکەن و پاش هەڵسەنگاندنی بارودۆخەکە لە کاتی گونجاودا، بڕیاری پێویست بۆ دەستپێکردنەوەی پرۆسەی خوێندن دەردەکەن، بە جۆرێک کە میکانیزمی پێویست بۆ قەرەبووکردنەوەی ئەم ماوەیە دابنرێت و زیان بە ساڵی خوێندنی قوتابیان نەگات