پارەیەکی زۆر بۆ هاوڵاتییان دەگەڕێتەوە

*ڕووناکی: بڕی داشکاندن 3.2 ملیار دینار بۆ هاووڵاتیان گەڕێندراوە لە مانگی سێ*
هەولێر، هەرێمی کوردستان (GOV.KRD) — وەزارەتی کارەبای حکومەتی هەرێمی کوردستان ڕایدەگەیێنێت کە بڕی داشکاندنی 3.2  ملیار دینار گەڕاندەوە بۆ هاوبەشانی ماڵان لەسەر  پسوولەکانی کارەبا بۆ مانگی سێ لەچوارچێوەی داشکاندن بەبڕی 20٪ لەکاتی پارەدان لەڕێگەی ئی-پسوولە.
ئەو پارەیە بری ماوەی 20٪ داشکاندنی پێشکەشکراو بە هاوبەشی ماڵان دەکرا لەکاتی پارەدان لەڕێگەی سەکۆی ئی-پسوولە لە مانگی دوو.
هاوبەشانی ماڵان کە بڕی داشکاندنەکەیان زیاترە لە پسوولەی مانگی سێ بڕی ئەو داشکاندنەی بۆیان ماوە دەخرێتە سەر قەرزی پێش ڕووناکی
خشتەی یەکەم: داتاکانی پەیوەست بە داشکاندن لە کوردستان لە مانگی سێ
کۆی گشتی ئەو پارەیەی گەڕێندراوەتەوە بۆ هاوبەشانی ماڵان لەلایەن حکومەتی هەرێمی کوردستان: 3.2 ملیار دینار
ژمارەی هاوبەشانی سوودمەند لە پاڵپشتی 20٪: 133,000
تێکڕای بڕی پارەی گەڕێندراوە بۆ هاوبەشانی ماڵان: 24,000 دینار 
ژمارەی ئەو هاوبەشانەی پسوولەکانیان یەکسانە بە 0 بەهۆی سوودمەندبوون لە پاڵپشتی 20٪: 20,600
تاوەکو ئەمڕۆ، نزیکەی 5.5 ملیۆن هاووڵاتی  کە زیاترە لە ٪85ی هاووڵاتیانی کوردستان کارەبای 24 کاتژمێرییان بۆ دابینکراوە لەڕێگای پڕۆژەی ڕووناکی.
بەپێی نرخە نوێیەکان، ٪80ی هاووڵاتیان، بەتایبەتی کەمدەرامەتان، پارەیەکی کەمتر دەدەن بە بەراورد بەو پارەیەی پێشتر دەیاندا بۆ کارەبای مۆلیدە و کارەبای نیشتمانی. 
مانگی تشرینی دووەمی ساڵی 2024، مەسرور بارزانی، سەرۆکی حکومەتی هەرێمی کوردستان، پڕۆژەی ڕووناکی ڕاگەیاند بە مەبەستی گەیاندنی کارەبای 24 کاتژمێری بۆ سەرجەم ماڵ و شوێنە بازرگانییەکان تاوەکو کۆتایی ساڵی 2026. لە ئایاریش، ئەنجومەنی وەزیرانی حکومەتی هەرێمی کوردستان بەکۆی دەنگ بڕیاری پەسەندکردنی پڕۆژەکەی دەرکرد.
پرۆژەی ڕووناکی کارەبای کاتژمێری بۆ هەموو کوردستان دابین دەکات تاوەکو کۆتایی ساڵی 2026. ئێستا زیاتر لە 85٪ی هاووڵاتیان کارەبای بەردەوامیان هەیە لە پڕۆژەی ڕووناکی.