ئەندامێكی بەرەی گەل پەیامێك بڵاو دەكاتەوە و داوا دەكات، ئەمڕۆ دوو كوڕەكەی مام جەلال بێنە بەردەم دادگا و بەڵگەكانیان بخەنەڕوو.
ئەمڕۆ پێنجشەم 14ـی ئایار، شادمان مەلا حەسەن سەركردە لە بەرەی گەل، پێش دەستپێكردنی دادگایی لاهوور، داوای لێپرسینەوەی یاسایی دەكات.
ئەو سەركردەیەی بەرەی گەل بە ڕاشكاوی ناوی بافڵ تاڵەبانی و قوباد تاڵەبانی دەهێنێت و تەحەدایان دەكات كە ئەگەر لە تۆمەتەكانیان بەرانبەر هەڤاڵەكانی ئەو ڕاستگۆن، با بەیانی لە بەردەم دادوەر ئامادە بن.
دووپاتی لەوە كردووەتەوە كە ئەگەر ئەوان ناترسن و كەمێك ڕاستی لە بوختانەكانیاندا هەیە، پێویستە هەموو ئەو بەڵگانەی كە لایانە لە بەردەم دادگادا بیخەنە ڕوو، بۆ ئەوەی ڕاستییەكان بۆ ڕای گشتی ڕوون ببنەوە.
لە كۆتایی پەیامەكەیدا، شادمان مەلا حەسەن داواكارییەكی ئاراستەی دەسەڵاتی دادوەری لە سلێمانی كرد و ڕای گەیاند، پێویستە دادگا سنوورێك بۆ ئەو نادادییانە دابنێت كە لە ژێر ناوی یاسادا ئەنجام دەدرێن.
وەڵام بدەوه