بەڕێوەبەرایەتیی نەوت و كانزاكانی هەولێر ڕێکارێکی نوێی بۆ ڕێكخستنی دابەشكردنی سووتەمەنی ڕاگەیاند، کە تێیدا بڕیار دراوە لەمەودوا بەنزینی حكومی بە نرخی 750 دینار و بە بڕی 50 لیتر بۆ هەر ئۆتۆمبێلێک دابین بکرێت.
خاڵە سەرەکییەکانی بڕیارەکە:
پابەندبوونی وێستگەکان: سەرجەم بەنزینخانە حكوومییەكان ناچار دەکرێن کە تەنیا بڕی دیاریکراو (50 لیتر) بدەن بە هاووڵاتییان و نابێت سەرپێچی بکەن.
سزای توند بۆ سەرپێچیکاران: هەر بەنزینخانەیەک پابەندی بڕیارەکە نەبێت، خاوەنەکەی بەرپرسیار دەبێت و بەپێی ڕێنوێنییە یاساییەکان ڕووبەڕووی سزای توند دەبێتەوە.
تایبەتمەندی بڕیارەکە: ئەم ڕێنوێنییە تەنیا ئەو وێستگە حكومییانە دەگرێتەوە كە بەنزین بە نرخی پاڵپشتیکراوی 750 دینار دابەش دەكەن.
#Kurdistanpress
وەڵام بدەوه