دادگایی لاهور جەنگی دەسپێدەکاتەوە

گوتەبێژی تیمی پارێزەرانی دۆسییەی لاهوور شێخ جەنگی زانیاری نوێی لەبارەی دۆسییەكە راگەیاند و ئاماژەی بۆ ئەوە كرد كە دۆسییەكە لە دادگای سلێمانی بەردەوام دەبێت. 
دانا تەقێدین گوتەبێژی تیمی پارێزەرانی لاهوور شێخ جەنگی، راگەیاند، دۆسییەكەی لاهور شێخ جەنگی لە دادگای سلێمانی دەست پێ دەكاتەوە.
روونیشی كردەوە كە دادگای تەمیزی كوردستان لە مانگی 10ی ساڵی رابردووەوە داوای دۆسییەكەی كردووە، بەڵام دادگای سلێمانی بێگوێدانە بڕیارەكە دۆسییەكەی نەنارد.
ئاماژەی بۆ ئەوەیش كرد كە سووربوونی دادگای تەمیز بۆ ناردنی دۆسییەكە لەسەر داوای پارێزەران بوو، بەڵام دواین هەوڵی دادگای تەمیز ئەوەیە لەمەودوا داوای دۆسییەكە ناكەن بۆ ئەوەی دادگای سلێمانی دەستبكاتەوە بە دانیشتنەكانی خۆی.
جێی ئاماژەیە كە مانگی رابردوو لاهور شێخ جەنگی لە رێگەی تیمی پارێزەرانی خۆیەوە رایگەیاند، لەهەموو دادگایەك ئامادەدەبم بەمەرجێك دادپەروەری تێدابێت.