هاوڵاتییان ئاگاداردەکرێنەوە

حازم محەممەد، بەڕێوەبەری گشتیی کارەبای دهۆک ڕاگەیاند، هێڵی کارەبای 123 KVـی کەورگۆسک کە خاڵی هاوبەشی نێوان دهۆک و هەولێرە، نۆژەن دەكرێتەوە و بەو هۆیەوە كاتژمێر 5:00ـی بەرەبەیانی سبەی تاوەكوو 10:00ـی پێش نیوەڕۆ كوژانەوەی كارەبا ڕوودەدات.
بەگوتەی حازم محەممەد، لەو پێنج کاتژمێرەدا 70%ـی کارەبای دهۆك و زاخۆ نامێنێت، بەهۆی ڕاگرتنی هێڵەکەشەوە بڕی 250 بۆ 300 مێگاوات كارەبای گشتی كەم دەكات، بەڵام ئەمە تەنیا پێنج كاتژمێرە و دواتر دەگەڕێتەوە دۆخی ئاسایی.
٠ ئەو بڕە کارەبایەی کە دەمێنێتەوە بەپێی لۆد و پێویستی دابەش دەکرێت، بە جۆرێک لەپێشینەی بەکارخستن و پێدانی کارەبای نەپچڕاو بۆ نەخۆشخانەکانی دهۆک و زاخۆ، پرۆژەکانی ئاوی ئەو دوو شارە و شوێنە پێویست و گرنگەکانی دیکە دەبێت.