کاتی دەسپێکردنی وەرزی نوێی خوێندن راگەیاندرا

وەزارەتی پەروەردە ساڵنامەی خوێندن و پشووەكان ئاشكرا دەكات
وەزارەتی پەروەردەی حكوومەتی هەرێمی كوردستان وردەكاریی ساڵنامەی خوێندن و تاقیکردنەوە و پشووەكانی بۆ ساڵی خوێندنی (2026-2027) ڕاگەیاند.
بەپێی ساڵنامەكە، لە وەرزی یەكەم 12 هەفتە خوێندن هەیە و 72 رۆژ دەوام و خوێندنە، لە 9-12ی 12ی 2026 هەڵسەنگاندنی بازنەی یەكەمە و لە 15-24ی 12ی 2026 تاقیكردنەوەی وەرزی یەكەمە.
هەر بەپێی ساڵنامەكە، پشووی وەرزی یەكەم لە 25ی12ی2026 دەستپێدەكات تاكو 2ی1ی 2027 و دەوام دەستپێدەكاتەوە.
لە وەرزی دووەم 16 هەفتە  كە دەكاتە 89 رۆژ دەوامی خوێندن هەیە و لە كۆتایی مانگی چوار بە هەڵسەنگاندن و تاقیكردنەوەكانیش لە مانگی 5 و 6ی 2027 بەپێی پۆلەكان ئەنجام دەدرێن.
بەپێی ساڵنامەكە، لە وەرزی دووەمدا پشووی بەهارە 9ی3 تاكو 23ی 3ی 2027 دەبێت لەگەڵ پشووی جەژنی ڕەمەزان و جەژنی ئێزدی و ساڵیادی ڕزگاركردنی عێراق و جەژنی قوربان.