مژدەی کابینەی نوێ راگەیاندرا

لەبارەی لێکنزیکبوونەوەی پارتی و یەکێتی و ئاماژە ئەرێنییەکان بۆ پێکهێنانی کابینەی نوێی حکومەت، هۆشیار زێباری، کە خۆی سەرۆکی شاندی دانوستانکاری حیزبەکەی بووە بۆ ئەم پرسە، ڕایگەیاند، کات لە بەرژەوەندیی هەرێمی کوردستاندا نییە بۆ پێکهێنانی کابینەی نوێ، ئەو کۆبوونەوەیەی لە چەند ڕۆژی ڕابردوودا لە نێوان مەسرور بارزانی، سەرۆکوەزیرانی هەرێمی کوردستان و قوباد تاڵەبانی کراوە، زۆر ئەرێنی بووە و کابینەی نوێی حکومەتی کوردستان نزیکە. لەبارەی تەواوکردنی کابینە وەزارییەکەی عەلی زەیدی کە یەکێک لە وەزارەتەکان پشکی پارتی دیموکراتی کوردستانە، هۆشیار زێباری دووپاتی کردەوە کە پارتی هەمان کاندیدی بۆ پۆستی وەزارەتی ئاوەدانکردنەوە و نیشتەجێکردن دەبێت کە ڕێباز حەملان، بریکاری پێشووی وەزارەتی دارایی فیدراڵی بۆ ئەو پۆستە کاندید کراوە.