دەست بە دابەشکردنی مووچەی ئەم کەسانە دەکرێت

ەپێی ئەو ئامادەكارییانەی دەستی پێ كردووە، لەم هەفتەیەدا دەست بە دابەشكردنی مووچەی مامۆستایانی گرێبەست لە هەرێمی كوردستان دەكرێت.
ئەمڕۆ شەممە 19ـی ئەیلوول، تریفە رەفیق نوێنەری مامۆستایانی گرێبەست، راگەیاند، نوێنەرایەتیی مامۆستیانی گرێبەست بەردەوام لەگەڵی وەزارەتی دارایی لەبارەی كاتی دابەشكردنی مووچە لە گفتوگۆدایە. زیاتر گوتی، بەپێی ئەو ئامادەكارییانەی كراون، لەم هەفتەیەدا دابەشكردنی مووچەی مامۆستایانی گرێبەست دەست پێ دەكات. باسی لەوەش كرد ئەگەر هیچ گرفتێك نەیەتە پێش، ئەوا لە رۆژانی چوارشەم و پێنجشەم دابەش دەكرێت. لە هەرێمی كوردستاندا ژمارەی مامۆستایانی گرێبەست 37 هەزار و 933 مامۆستایە، مووچەی هەر مامۆستایەكی خاوەن بڕوانامەی دیپلۆم 400 هەزار و بڕوانامەی بەكالۆریۆس 500 هەزار دینارە، پارەی پێویست بۆ مووچەكەیان مانگانە نزیكەی 18 ملیار دینارە.