کاتی یەکەم بەفربارینی ئەمساڵ راگەیاندرا

لە هەفتەی داهاتوو  ئەگەری بەفربارینی کەم هەیە. 
سیروان ساڵح، شارەزای كەشناسی  ڕایگەیاند، بەهۆی کاریگەری ناوچەیەکی پەستان نزمی دەریای ناوەڕاست لەڕۆژی پێنج شەممەوە تاوەکو ڕۆژی شەممە ناوبەناو ئەگەری بارانبارین هەیە لەپارێزگای دهۆک و ناوچە شاخاوییەکانی باکووری سۆران ئەگەر هەیە لەو چەند ڕۆژە لەنێوان ( 10 تاوەکو 25 ملم ) باران بارێت و لە زنجیرە چیاکانی بەرزتر لە 2800 مەتر ئەگەری بەفربارینی کەم هەیە.
ڕاشیگەیاند، ئەم شەپۆلە لە پارێزگای سلێمانی و هەڵەبجە و هەولێر و کەرکوک و گەرمیان لاواز دەبێت و لەڕۆژی هەینی و شەممە ئەگەری بڕێکی کەم بارانی کورتخایەن هەیە لەگەڵ هەورەبروسکە.
ڕوونیشی كردەوە، ئەگەر هەیە لەنێوان ( 1 تاوەکو 3 ملم ) باران ببارێت و هەندێ ناوچەی گەرمیان تەنها دڵۆپە باران دەبێت.
دەشڵێت: لەسەرەتای هەفتەی داهاتووەوە پلەکانی گەرمی چەند پلەیەک دادەبەزن.