نەوتی ماڵان هەرزان دەبێت

لە بازاڕی بۆرسەی نەوت و سوومەنی لە هەولێر، لەمڕۆوە پێشبینی دابەزینی نرخی نەوتی ماڵان كرا، ئەوەیش بەهۆی ئەوەی دابەشكردنی نەوت لە ناوچەكانی مادەی 140 دەستی پێ كردووە و ئەوەیش تارادەیەكی زۆر خواستی لەسەر كڕینی نەوتی بازرگانی كەم كردەوە. 
شەوقی سەلیم نەوتفرۆشە لە بۆرسەی نەوت و سووتەمەنی هەولێر، راگەیاند ئێستە نرخی بەرمیلێك نەوتی پلە یەك بە 300 هەزار دینارە، تا دەگاتەوە ماڵ دەبێتە 310 هەزار دینار، ئەوە نرخێكی زۆرە بۆ هاووڵاتییان و كڕیاریشی نییە. 
ڕوونیشی كردەوە كە ئەمڕۆ دەست بە دابەشكردنی نەوتی ماڵانی ئەو كەسانە كراوە كە لەسەر لیستی مادەی 140ن، ئەوەیش بە تەواوی خواستی لەسەر نەوتی ماڵان كەم كردووەتەوە. 
هەروەك ئاماژەی بۆ ئەوە كرد كە پێشبینی دەكرێت نرخی نەوت بە رێژەیەكی زۆر دابەزێت بەتایبەت ئەگەر دابەشكردن لەناو شارەكانی هەرێمی كوردستان دەست پێ بكات.
ئەو دووپاتی كردەوە كە بەو نرخەی ئێستە نەوت كڕیاری دەگمەنە، بەڵام لەگەڵ ساردبوونی زیاتری كەشوهەوادا ئەگەر دابەش نەكرێت نرخەكەی بەوجۆرەی ئێستە دەمێنێت