شارەزایەکی بواری کەشناسی چەند زانیارییەکی گرنگ و نوێ لەبارەی کەشوهەواوە راگەیاند و ئاماژەی بەوەداوە کە وشکە ساڵیمان تێپەڕاند و دۆخی دابارین بەرەو باشتربوونی زیاتر هەنگاو دەنێ.
ئەمرۆ چوارشەممە 29/11/2022، شاڵاو هیدایەت، شارەزای بواری کەشناسی بڵاویکردووەتەوە: "بەپێی نوێترین ئەپەدەیت و مۆدێلی بەناو بانگی ئوستراڵی و MME و ئەورووپی له ناو مانگی 12 و سەرەتای وەرزی زستان دیاردەی لانینا سەرەتا لەناوچەکانی نینۆ 4 و 3.4 کۆتایی دێت و دێتە حاڵەتی نیوتڕاڵەوە دواتر لەناوچەکانی تری نینۆش لانینا پاش لاواز بونی دێتە حاڵەتی نیوتڕاڵ ئەمە لەکاتێکدا کە ئێستا کاریگەری لانینا زۆر کەم بۆتەوە لەسەر ناچەکە و کاریگەریەکی ئەوتۆی نەماوە کە لە دوو ساڵی ڕابردوودا بەرپرسی سەرەکی بوو لەڕەخساندنی وشکە ساڵی ناوچەیی و جۆری، هەروەها زەریای هیندیش لە دوو ساڵی ڕابردوودا کە بەرپرسی دووەم بوو لەڕەخساندنی وشکە ساڵی بە زاڵبوونی IOD - نێگەتیڤ لەخۆرئاوای زەریایەکە ئێستا هاتۆتەوە حاڵەتی نیوتڕاڵ و لەداهاتوودا کاریگەرییە ئەرێنییهکانی قۆناغ بە قۆناغ دەردەکەون لەسەر ناوچەکە".
ئەوەشی خستووەتە روو: "وەرزی دابارینی داهاتوو هەردوو زەریای ئەتڵەسی و بەستەڵەکی باکوور لەبەرژەوەندی ناوچەکەدا دەبن ئەمە لەکاتێکدا کە ماوەیەکە زەریای بەستەڵەکی باکوور بە AO - نێگەتیڤی لەبەرژەوەندی ناوچەکەدایه و تا ئێستاش بەنێگەتیڤی ماوەتەوە".
هەروەها ئەو شارەزایەی بواری کەشناسی ئاماژەشی بەوەداوە کە وشکە ساڵیمان تێپەڕاند و دۆخی دابارین بەرەو باشتربوونی زیاتر هەنگاو دەنێ لە داهاتوودا.
وەڵام بدەوه