وەزارەتی دارایی و ئابووریی حکوومەتی هەرێمی کوردستان روونکردنەوەیەکی لەبارەی دواکەوتنی مووچەی ژمارەیەک فەرمانبەری گرێبەست لە وەزارەتی بازرگانیی و پیشەسازی بڵاوکردەوە.
ئەمڕۆ سێشەممە 7/3/2023، بەڕێوبەرایەتی گشتی ژمێرکاریی لە وەزارەتی دارایی لە روونکردنەوەیەکدا بڵاویکردووەتەوە: "سەبارەت بەدواکەوتنی مووچەی 68 فەرمانبەری گرێبەست لە وەزارەتی بازرگانی و پیشەسازی، کە پێشتر مووچەکانیان لە سەر داهاتی کەپەک خەرج دەکرا، تاوەکوو ئێستا نووسراوەکەیان لە وەزارەتی بازرگانیی و پیشەسازی نەگەیشتۆتە وەزارەتی دارایی و ئابووری تاوەکوو کاری پێویستی لەسەر بکرێت.
ئەوەش خراوەتە روو: "لەبەر ئەو هۆکارە بەڕێوبەرایەتی گشتیی ژمێرکاری لە وەزارەتی دارایی و ئابووری بەرپرسیار نییە لە دواکەوتنی مووچەی ئەو فەرمانبەرانە".
وەڵام بدەوه