باڵەخانەی وەزارەتی بەرگریی یەمەن و چەند شوێنێکی دیکە لە سەنعای پایتەخت بۆمباران کران.
میدیاکانی یەمەن بڵاویان کردووەتەوە، دوا نیوەڕۆی سێشەممە، 31-12-2024، ژمارەیەک فڕۆکەی "ئەمەریکی و بەریتانی" باڵەخانەی وەزارەتی بەرگریی یەمەن و چەندان شوێنی دیکەیان لە سەنعای پایتەخت بۆمباران کرد.
میدیاکانی ئیسرائیلیش باس لەوە دەکەن، هێزی ئاسمانیی ئیسرائیل بەشداریی لەو هێرشە ئاسمانییانەدا نەکردووە.
تاوەکوو ئێستە ئامانج و زیانەکانی هێرشە ئاسمانییەکانی سەر سەنعا ئاشکرا نەکراون.
ئەمە لە کاتێکدایە، لە ماوەی ڕابردوودا، بەرپرسانی ئیسرائیل ڕایانگەیاندبوو، چییان بەسەر حزبوڵلای لوبنانی و حەماس هێناوە، هەمان شت بەسەر حووسییەکانی یەمەنیش دەهێنن.
وەڵام بدەوه