وتەبێژی سکرتێری گشتیی نەتەوە یەکگرتوەکان ڕایدەگەیەنێت، فیدراڵی یان هەر سیستمێکی دیکە لەسوریا بڕیاری گەلی ئەو وڵاتەیە، دەشڵێت،" پێویستە هەموو پێکهاتەکان بەشداری‌و بەرپرسیارێتییان هەبێت لەبەڕێوەبردنی سوریادا ".
ستێفان دوجاریک، وتەبێژی سکرتێری گشتیی نەتەوە یەکگرتوەکان لەلێدوانێکی ڕۆژنامەوانیدا ئاماژەی بەوەکرد،" گرنگە هەموو دەنگەکان لەسوریا ببیسترێن‌و هەموو گروپە ئایینییەکان، هەموو نەتەوەکان هەست بکەن نوێنەرایەتییان بکرێت، هەروەها دەبێت لەوڵاتەکەدا هەست بە ئاسایش بکەن ".
لەبارەی هەڵوێستی سکرتێری گشتی نەتەوەیەکگرتوەکانیش سەبارەت بە سیستمی فیدراڵی لەسوریا، ستێفان دوجاریک وتی،" سکرتێری گشتیی سیاسەتمەدارێکی سوریایی نییە، کاری ئەو نییە بڕیار بدات‌و ئێمە هەڵوێستی خۆمان خستوەتەڕوو، کە بریتییە لە بەشداریی هەموان‌و بەرپرسیارێتی، بەڵام وردەکارییەکان بڕیاری گەلی سوریایە ".
وەڵام بدەوه