دونیای مێدیای کوردی یەکەیەکی ئاڵۆزو گرژ و پڕ پێچ و پەنایە. بەو مانایەی لەم سەردەمەدا هیچ نەتەوەیەک نادۆزیتەوە بەقەد کورد گیرۆدەی پەتای لێکترازان بێت لەسەر دەستی ئەو هێزە ناوەخۆییانەی وێنای خۆیان بە نیشتیمانپەروەرو ئۆپۆزیسیۆن و نەتەوەییەوە دەکەن.
مێژوو پێمان دبێژیت کەم نەتەوە هەن یا هەرنین، دوای ساڵەهای ساڵ ستەمی ژێردەستەیی و ماڵوێرانی تا ئەم ئاستە لەلایەن هێزە بەکرێ گیراوەکانی ناوەخۆیەوە بەدەست دووبەرەکی و ناکۆکیەوە بناڵێنێ و بخرێتە دۆخی ئاگرو بارووتەوە.
ئەمەی هێزە دژە نەتەوەییەکانی ناوەخۆ دەیکەن، دژی هەموو عورف و ئەخلاق و ویژدان و بەزەیی پێداهاتنەوەو پرەنسیپێکی ئینسان دۆستی و مەفاهیمی نیشتیمان پەروەریە.
تۆ کە قسەی زمان و سەری زمانت داکۆکی کردنە لە مافی خەڵک و هەر رۆژەو سەماکەری بەردەرکی بێگانەیەکی، هەرگیز خەمی نەتەوەو بەرژەوەندیە نیشتیمانیەکانت نیە. ئەوەی تۆی وا هاروهاج کردووە، پاراستنی بەرژەوەندیە شەخسیە بەرتەسکەکانتانە لەسەر حیسابی چینوتوێژە بەش مەینەتیەکانی کۆمەڵگاوە.
مێژوو لەکەس نابوێرێت و ئێوەش لە پەراوێزی مێژوودا ئەگەر شوێن پێیەکتان بۆ دۆزرایەوە، دەبێت تا دەمرن شوکرگوزاری مێژوونووسەرەکانەوە بن و کپ و بێدەنگ لە کونجێکیدا هەڵترووکێن.
وەڵام بدەوه