هیچ گومان لەوەدا نیە شادەمار و کۆدی ئابوری عێراق لای ئەمریکیەکانە.
دوای تێپەڕبوونی بیست ساڵ بەسەر رووخانی بەعس، ئێستاشی لەگەڵدابێ ئابوری و ئێستاو داهاتووی عێراق لەدەست هێزە دەرەکیەکاندایە.
باڵادەستی میلیشیاکانی سەربە ئێران لە پانتای سیاسەت و رووبەری سەربازی لای هەموو کەس ئاشکرایە. ئەم هێزانە وەک کۆمەڵە هێزێکی قوڕمیش کراو بەدەست ئێرانەوەن بۆ دروست کردنی ئاڵۆزی و پاراستنی بەرژەوەندیەکانی ئەم وڵاتە لە عێراقدا.
لەلایەکی تریشەوە ئابوری دینارودۆلارو دراوی عێراق لای ئەمریکیەکانە و ئەم وڵاتە بریار دەدات ئاڵۆگۆڕی دراو بە چ شێوەیەک بەڕێوەبچێت قەوارەی ئاڵۆگوڕە دروایەکان چەند و چۆن بێت و عێراق چی بۆ هەیەو چی بۆ نیە.
حەقە ئەمریکیەکان فشار بخەنە سەر بەغدا بۆ چارەسەر کردنی کێشەو گرفتە ئاڵۆزە داراییەکانی نێوان هەرێمی کوردستان و حکومەتی ئیتیحادی و چیتر رێگە نەدرێت بە فیتی لایەنی دەرەکی یا شۆفینیەوە یاری بە ژیان و گوزەرانی دانیشتوانی هەرێمەوە بکرێت.
بە دڵنیاییەوە بەردەوامبوونی دەستی دەستی کردن بە شاندەکانی هەرێم و کات کوشتن لەلایەن حکومەتی ئیتیحادیەوە لە ساڵی داهاتوو، هێندەی تر دۆخی ژیان و گوزەرانی هاوڵاتیانی هەرێم رووبەرووی ئاڵنگاری و گرژی و سەختی دەکاتەوەو بۆی هەیە دەرەنجامی خراپ و چاوەروانکراویشی لێبکەوێتەوە. ئۆباڵی بەردەوام بوونی ئەم دۆخەش بە پلەی یەکەم ئەمریکاو بەغدان.
وەڵام بدەوه