یەکڕیزی کۆدی سەرکەوتن و زیندووێتی هەرێم وگەلە

پەرتەوازەیی و دوبەرەکی و ناکۆکیە ئەزەلیەکانی نێوان هێزو بزاڤە سیاسیەکانی هەرێمی کوردستان، دواجار بە زیان بۆ هەرێمی کوردستانیان دەشکێتەوە.

هەروەک تێبینی دەکرێت میلیشیا شیعەکانی عێراق لەهەڵمەتێکی بێ وێنەدا هەوڵی لەبار بردنی دۆخی تەناهی هەرێمی کوردستان و تێوەگلانی هێزەکانی پێشمەرگەیان لە ململانێ چەکداریەکان کردۆتە ئەولەویەتی کارو چالاکیەکانیانەوە.
هێزە چەکدارە لە یاسا دەرچووەکان بە سود وەرگرتن لەو پەرتەوازەیی و دووبەرەکیەی بەرۆکی هێزو حزبە سیاسیە کوردستانیەکانی گرتووە، هەوڵی تێکدانی دۆخی ئەمنی هەرێمی کوردستان دەدەن و باکیان بە هیچ کردەیەکی نالۆژیکی و ناعەقڵانیەوە نیە.

یەکڕیزی کۆدی سەرکەوتن و زیندووێتی هەرێم وگەلە و بەردەوام بوونی ئەم دۆخەی پەرتەوازەییەش، دواجار بە زیانی گەورە بۆ سەر  هەرێم وکۆی گشتی سیستەمی حوکمرانی و دەسکەوتەکان دەگەڕێتەوەو هیچ لایەنێک لێی سوودمەند نابێت.